茶水耕知識 - 春茶同冬茶有咩分別？

春天氣候適宜植物生長，所以自然茶葉嘅產量就最多。春茶經常有「嫩採」嘅現象，飲落口嘅滋味會更濃，但又帶有啲未熟成嫩菁嘅苦味。

冬天茶產量最少，一般茶農會等茶菁成熟之後再採收，亦同時係冬茶香氣細膩、苦澀感低嘅原因。冬茶又俗稱「尾水仔」，根據節氣，由小雪（十一月中後）開始屬於產季，一直到第二年大寒（十二月底）結束為止。由於冬季日夜溫差比較大，茶葉生長速度放慢，能夠做到完全熟成，飲起嚟就會少苦味而多甘甜。

春茶：「早春茶」嘅風味其實不如氣溫回暖之後所產出嘅「正春茶」。由於早春茶喺天氣寒冷嘅時候萌芽，所以泥土入面嘅微生物作用低，令佢無辦法完整吸收養分，茶葉只好依賴身體內部儲存嘅養分生長；而春芽春採嘅正春茶就因為氣溫適宜，土壤肥沃而生長旺盛，出產成高品質茶葉嘅機率就較高喇。

冬茶：由於溫度越低，茶葉就生長得越慢，白然熟成嘅結構就越細膩。冬片茶又被稱為「六水」或者「七水仔茶」。指嘅就係每年一月摘嘅冬茶嫩芽，平均每十斤茶菁就可以產出一斤冬片茶，所以係非常珍貴㗎。

冬茶嘅採收期期間日夜溫差大，日照時間比較短，茶葉生長嘅速度會變慢，而且氣候暖化令茶樹提早咗冒出新芽，所以呢嗰時候採收嘅茶就叫做「冬片茶」，佢相比一般嘅冬茶幾乎𥘅苦澀味，茶湯甘甜醇厚，韻味又滑順細膩。就因為咁冬片茶葉食起嚟就有啲似高山茶嘅喉韻，喺行家必飲嘅好茶嚟㗎。

由乾茶葉嚟睇：春茶葉嘅梗部比較粗壯，葉片較曾厚實，色澤翠綠均勻，冬茶嘅色澤比較淡，毛茶黃片會多啲，顏色就冇咁均勻。

沖咗嘅茶葉嚟睇：春茶喺沖泡啊時候茶葉下沉得比較快，香氣馥郁，茶湯嘅色澤清澈明亮，芽葉較為多，葉脈細密；冬茶就香氣淡雅，風味柔順，茶湯色澤雅致，芽葉邊緣較為明顯。

春茶：葉同葉之間嘅空枝較長，含水量較多，自然比較耐泡，每壺茶大概可以沖六至七次仍然好香茶味。

冬茶：葉同葉之間的空枝較短，含水量較少，所以每壺茶只可以沖三至四次，之後就冇乜茶味，得翻餘喉韻。

「喝春茶，喝茶湯；喝冬茶，喝茶香。」

春茶：入口清香帶甜味，而且沖耐咗仍然飲得出甘甜，所以喺「喝茶湯」。

冬茶：底蘊深厚，喉韻深遠回甘，香氣淡雅，唔似春茶咁芬芳濃郁，以柔順見長，所以「喝冬香」其實指嘅就係飲茶入喉之後嗰韻味揮之不去。