《 清漉一歲生日快樂 - 祕！方！公！開！ 》
《 清漉一歲生日快樂 - 祕！方！公！開！ 》
2021年1月11日 第一支千里烏龍茶面世話咁快就一年。
祝腦細s同清漉生日快樂 
腦細叫我寫po個時千叮萬囑我，話一定一定要衷心感謝第一間肯幫我哋試驗同銷售嘅點——
黃金雞
。冇您，清漉起步可能會難好多。「仲記得我地當初研究咗幾個月，每日都係到飲茶，正確啲係每啖都係茶，咩水啊、咖啡啊都絕晒交咁濟，飲到真係肚都漲埋，有段時間仲懷疑試味試到味覺都無埋。」
係呢一年，清漉由一個小小嘅茶煲仔，煲到變大大茶煲，再煲出一間廠仔，真係好感謝大家嘅支持同陪伴。
我哋去過和你宵、派口罩、大坑擺攤、大埔擺攤、城市花園市集⋯⋯
創業容易守業難，再加上總總因素，如果話冇諗過放棄你哋都唔信喇。當每次腦細們心灰意冷到想執咗公司嘅時候，可能係上天保佑，或者係天無絕人之路掛，往往就會有新嘅伙伴出現陪我哋行落去。每一個銷售點，真係好好好多謝你哋願意相信我哋
好好彩，清漉仔仲未死。
二零一四年，第一次訓街、
二零一九年，比人打、
二零二零年，爛頭爛手到入廠乜都試過晒、
捱過一九同二零年，應該都係世界級喇掛？
（ 
：人無事先做到世界冠軍，腦細s同所有手足一定要平安健康 ）
：人無事先做到世界冠軍，腦細s同所有手足一定要平安健康 ）
到後半部份喇 
飲過千里烏龍茶嘅朋友都不約而同一直問：
「點解咁嘅？點解？點解⋯⋯」
襯一週年，我哋就講個祕密你哋知喇。
千里烏龍茶嘅小小配方 
好多人都想知道點解清漉支烏龍茶係咁嘅味，其實係因為我哋千揀萬揀，揀咗一隻嚟自茶匠私家廠房儲存嘅陳年舊茶。
Q. 咁有幾舊啊？
A. 大概九年左右喇，佢哋廠房都只有4000斤（截止2019年 
），所以千里烏龍茶可以話係一隻非常非常稀有嘅茶嚟，最少大街大巷買唔到先 
就算有嘅都應該好貴～但如果大家見到有平嘅話記得通知我哋，小編隨時去入貨！
），所以千里烏龍茶可以話係一隻非常非常稀有嘅茶嚟，最少大街大巷買唔到先 就算有嘅都應該好貴～但如果大家見到有平嘅話記得通知我哋，小編隨時去入貨！ 二零一九年，
有三個傻仔開始覺得要搵另一種方式去延續里念，於是就開始咗一個計劃：研究一啲普及化嘅產品再帶入香港，令大家可以互相合作、成長、發聲。用產品作為一個起點、既係平台、亦係腳印，提醒大家：信念，係應該要留千里。
左揀右揀，最後揀咗做茶飲係出發點，好彩又研發到，冇白費心機，所以，佢咪叫千里烏龍茶囉。
You Might Also Like
